काठमाडौं । अखिल नेपाल फुटबल संघ (एन्फा)ले लेखा परीक्षण प्रतिवेदन र वार्षिक बजेट पारित गरेको छ ।
एन्फा कम्प्लेक्स, सातदोबाटोमा आज बसेको कार्यसमिति बैठकले लेखा परीक्षण प्रतिवेदनसहित सन् २०२६ को बजेट पनि पारित गरेको हो।
बैठकले आर्थिक वर्ष २०८१/८२ को संघको लेखा परीक्षण प्रतिवेदन पारित गर्ने निर्णय गरेको छ ।
त्यस्तै आगामी आर्थिक वर्ष २०८२/८३ का लागि १ अर्ब ५६ करोड १७ लाख ८५ हजार १३ रुपैयाँ बराबरको बजेट स्वीकृत गर्ने निर्णय गरेको प्रवक्ता सुरेश शाहले जानकारी दिए ।
स्वीकृत बजेटमार्फत राष्ट्रिय तथा प्रदेशस्तरको फुटबल संरचना, प्रतियोगिता सञ्चालन र विकास कार्यक्रमलाई प्राथमिकता दिने योजना एन्फाले अघि सारेको जनाएकाे छ ।
आगामी माघ २८ का लागि एन्फाको निर्वाचन घोषणा गरिएको छ ।
