सिन्धुली । मोटरसाइकल चोरीमा अदालतबाट दोषी ठहर्याइएका मरिण गाउँपालिका- ४ वडा कमिटी अध्यक्ष टिकाराम स्याङ्तान जेल चलान भएका छन् ।
३ वर्षअघि २ वटा २२० सीसी पल्सर बाइक चोरीको अभियोगमा उच्च अदालत पाटनले दोषी ठहराएपछि उनी फरार थिए । सिन्धुली प्रहरीले पक्राउ गरेर उनलाई बुधबार जिल्ला अदालत सिन्धुलीमा बुझाएको थियो । टिकारामलाई हिजो नै कारागार चलान गरिएको श्रेस्तेदार विदुरप्रसाद कोइरालाले बताए ।
स्थानीय खयरसाल माविका विव्यस अध्यक्षसमेत रहेका ३४ वर्षीय स्याङ्तान माओवादी नेता एवं सांसद राजन दाहालका विश्वास पात्र मानिन्छन् । सिन्धुली जिल्ला अदालत र उच्च अदालतको फैसलाअनुसार पक्राउ गरेर सजाय भुक्तानको प्रक्रिया अघि बढाइएको प्रहरी उपरीक्षक लालध्वज सुवेदीले बताए ।
२०७९ मा दुई थान मोटरसाइकल चोरीको अभियोगमा २५ दिन हिरासत बसाइपछि स्याङ्तान धरौटीमा छुटेका थिए । पछि जिल्ला अदालतबाट मुद्दा हारेपछि उच्च अदालत गुहारेका उनलाई उच्चले जिल्लाकै फैसलालाई सदर गरेको थियो ।
