सप्तरी। जनता समाजवादी पार्टी नेपालको ‘घर फिर्ती अभियान’ अन्तर्गत नागरिक उन्मुक्ति पार्टीका केन्द्रीय सदस्य दिलकुमारी चौधरीसहितका नेता तथा कार्यकर्ता प्रवेश गरेका छन् ।
सप्तरी क्षेत्र न. ३ का उम्मेदवारसमेत रहेका अध्यक्ष उपेन्द्र यादवले चौधरीसहितक़ा नेतालाई स्वागत गरे । यसअघि जसपा नेपालकी केन्द्रीय सदस्य रहेकी चौधरी पार्टी विभाजन हुँदा नागरिक उन्मुक्ति पार्टीमा गएकी थिइन् ।
उनी थारु कल्याणकारी सभाकी केन्द्रीय सदस्य एवम् नेपाल आदिवासी जनजाति महासंघकी मधेश प्रदेशकी उपाध्यक्ष समेत हुन्।
यसैगरी, कलाकार गोपालप्रसाद चौधरी, शिवशंकर यादव ‘शिवम’ पनि भित्रिएका छन् ।
घर फिर्ती अभियान प्रभावकारी भएको भन्दै पछिल्लो समयको पार्टी प्रवेशको लहरले उत्साही भएको केन्द्रीय सचिव शैलेन्द्र साहले बताए ।
