काठमाडौँ । नेपाली कांग्रेसको विशेष महाधिवेशन अन्तर्गत बन्दसत्रको अध्यक्षता ज्येष्ठ सदस्य ओमकारप्रसाद श्रेष्ठले गर्ने भएका छन् ।
प्रचारप्रसार उपसमितिका संयोजक सुवास पोखरेलका अनुसार, ज्येष्ठ सदस्यको हैसियतमा श्रेष्ठले सोमबारदेखि सुरु हुन लागेको बन्दसत्रको अध्यक्षता गर्ने टुंगो लागेको हो ।
यद्यपि आज बिहान १० बजेदेखि सुरु हुने भनिएको बन्दसत्र निर्धारित समयमा सुरु हुन सकेको छैन । केही प्राविधिक कारणले कार्यक्रम सुरु हुन ढिलाइ भएको संयोजक पोखरेलले बताएका छन् ।
पार्टीको संस्थापन समूहको असहयोगका बिच बन्दसत्रमा बहुमत महाधिवेशन प्रतिनिधिको सहभागिता रहेको आयोजकले जनाएको छ ।
