काठमाडौं । नेपाली कांग्रेस काठमाडौं महानगरको सभापतिमा सुसन वैद्यले उम्मेदवारी दिने भएका छन् ।
महानगरको अधिवेशन भृकुटीमण्डपस्थित राष्ट्रिय सभागृहमा असोज ७ गते (भोलि) हुने भएको छ । वर्तमान समितिमा सचिव रहेका वैद्यले सभापतिमा उम्मेदवार दिने घोषणा गरेका हुन् ।
‘मेरो उम्मेदवारी सभापति पदका लागि हुन्छ । सभापति उठ्नका लागि नै मैले तयारी गर्दै आएको थिएँ,’ वैद्यले भने । वैद्य पेशाले इन्जिनियर हुन् ।
महानगरको अधिवेशनका लागि करिब १७ सय क्षेत्रीय प्रतिनिधि छनोट भएका छन् । काठमाडौं महानगरको अधिवेशनको प्रमुख अतिथिमा महामन्त्री प्रदीप पौडेललाई आमन्त्रण गरिएको छ ।
