22, Jul, 2024

रुकुम पूर्वको एक विद्यालयमा भिर मौरीको टोकाइबाट १३ जना घाइते

बागमती भ्वाइस
बागमती भ्वाइस
१० असार २०८१, सोमबार ०७:५४ | ४ हफ्ता अगाडी

रुपन्देही । रुकुम पूर्वको एक विद्यालयमा भिर मौरीको टोकाइबाट १३ जना घाइते भएका छन्।

भूमे गाउँपालिका–६ खाम्दीमा रहेको जनचेतना आधारभूत विद्यालयका विद्यार्थी, शिक्षक र अभिभावक मौरीको टोकाइबाट घाइते भएका हुन्।

आइतबार विद्यालयमा प्रार्थना गर्ने समयमा एक्कासि आएको भीर मौरीले टोक्दा विद्यार्थी, शिक्षक र अभिभावक घाइते भएका हुन्।

घाइतेमध्ये तीन जनाको अवस्था जटिल रहेको महत स्वास्थ्य चौकी रुकुम पूर्वका अहेव हेमराज ओलीले जानकारी दिए।

उनका अनुसार मैरीको टोकाइबाट गम्भीर घाइते हुनेमा विद्यालयका प्रधानाध्यापक दिलकुमारी रोका, १० वर्षीय विद्यार्थी नरमान रोका र उनकी आमा रुचि रोका छन्।

उनीहरूलाई सामान्य उपचारपछि थप उपचारका लागि जिल्ला अस्पताल रुकुमकोट रेफर गरिएको अहेव ओलीले जानकारी दिए।

१० असार २०८१, सोमबार ०७:५४ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading