काठमाडौं । प्रधानमन्त्री सुशीला कार्कीका दुई सल्लाहकारले पदबाट राजीनामा दिएका छन्।
मुख्य सल्लाहकार अजयभद्र खनाल र जनसम्पर्क सल्लाहकार गोविन्द नारायणले फरक फरक मितिमा राजीनामा बुझाएका हुन्।
सुशीला सरकारलाई सफल बनाउन दुवै सल्लाहकारहरुले अहम् भूमिका खेलेका थिए । प्रतिनिधिसभा निर्वाचन सम्पन्न भएर परिणाम आएपश्चात उनीहरु दुवै जिम्मेवारीबाट बाहिरिएका छन्।
जनसम्पर्क सल्लाहकार गोविन्द नारायणले सामाजिक सञ्जालमा लामो स्टाटस लेख्दै प्रधानमन्त्री कार्कीप्रति आभार प्रकट गरेका छन् ।
