16, Jul, 2024

बुद्धिचाल महासंघको साधारणसभा बिहीबारदेखि

बागमती भ्वाइस
बागमती भ्वाइस
२८ चैत्र २०८०, बुधबार १८:१८ | ३ महिना अगाडी

काठमाडौँ । नेपाल बुद्धिचाल महासंघको विषेश साधारणसभा ललितपुरको च्यासलस्थित तुल्सीलाल अमान्य प्रतिष्ठानमा चैत २९ र ३० गते हुने भएको छ । साधारणसभामा सातवटै प्रदेश र ५५ जिल्लाका गरि कुल एक सय १८ जना प्रतिनिधिको सहभागीता रहने छ ।

साधारणसभामा महासचिवको प्रतिवेदन र कोषाध्यक्षको आर्थिक प्रतिवेदनमाथि छलफल हुनेछ भने रिक्त रहेको अध्यक्ष, वरिष्ठ उपाध्यक्ष र उपाध्यक्षको पदपूर्ति निवार्चन प्रक्रियाबाट गरिने छ । साधारणसभा सम्पन्न गर्न उपाध्यक्ष धनबहादुर बोगटीको अध्यक्षतामा मूल आयोजक समिति गठन गरिएको महासंघले जनाएको छ ।

राजु ताम्राकारको संयोजकत्वमा आवास व्यवस्थापन उपसमिति गठन गरिएको छ । उपमहासचिव मोनालिसा खम्वुको संयोजकत्वमा प्रतिनिधि व्यवस्थापन उपसमिति, निरन्जन प्रजापतिको संयोजकत्वमा मसलन्द उपसमिति, रमिला पोखरेलको संयोजकत्वमा मञ्च तथा हल व्यवस्थापन उपसमितिमा र दिपेन राईको संयोजकत्वमा स्वयमसेवक उपसमिति गठन गरिएको छ ।

महासंघको रिक्त रहेको अध्यक्ष पदमा कार्यवाहक अध्यक्ष ललितपुरका हेराकाजी महर्जन, वरिष्ठ उपाध्यक्ष पदमा इलामका दिपेन राई र उपाध्यक्ष पदमा बाराका राजाबाबु रौनियारले उम्मेदवारी दिने सम्भावना रहेको स्रोतले जनाएको छ ।

२८ चैत्र २०८०, बुधबार १८:१८ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading