काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा २ जनाको मृत्यु भएको छ भने ८० जना घाइते भएका छन् ।
नेपाल प्रहरीले दिएको जानकारी अनुसार दुर्घटनामा मधेश प्रदेश र काठमाडौँ उपत्यकामा एक एक जनाको मृत्यु भएको छ ।
त्यस्तै देशभर भएका दुर्घटनामा ८० जना घाइते भएका छन् । जस अनुसार मधेश प्रदेशमा २० जना घाइते भएका छन् भने कोशीमा १३ जना, काठमाडौँ उपत्यकामा २ जना, सुदूरपश्चिममा २ जना, बागमतीमा १७ जना घाइते भएका छन् भने लुम्बिनीमा २१ जना, कर्णालीमा १ जना र गण्डकीमा ४ जना घाइते भएका छन् ।
