काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा ३ जनाको मृत्यु भएको छ भने १२० जना घाइते भएका छन् ।
नेपाल प्रहरीले दिएको जानकारी अनुसार दुर्घटनामा मधेश प्रदेशबाट २ जना र काठमाडौँ उपत्यकामा एक जनाको मृत्यु भएको छ ।
त्यस्तै देशभर भएका दुर्घटनामा १२० जना घाइते भएका छन् । जस अनुसार मधेश प्रदेशमा ३२ जना घाइते भएका छन् भने कोशीमा १२ जना, काठमाडौँ उपत्यकामा १४ जना, सुदूरपश्चिममा १६ जना, बागमतीमा ३ जना घाइते भएका छन् भने लुम्बिनीमा ३० जना, कर्णालीमा ९ जना र गण्डकीमा ४ जना घाइते भएका छन् ।
