धादिङ । पृथ्वी राजमार्ग अन्तर्गत धादिङको गजुरी गाउँपालिका-२ छहरामा पहिरो खसेपछि सडक दुईतर्फी रूपमा अवरुद्ध भएको छ ।
प्रहरीका अनुसार पहिरो पन्छाउने काम भइरहेको छ । यसैबीच भोटेकोशीमा आएको बाढीका कारण क्षतिग्रस्त गजुरी-२ स्थित परेवाभिरमा सडक मर्मतका लागि आज पनि पृथ्वी राजमार्ग १२ घण्टा सवारी आवागमन पूर्ण रूपमा बन्द गएको छ । यस अघि शनिबार पनि परेवाभिर मर्मतका लागि सडक बन्द गरिएको थियो ।
जिल्ला प्रशासन कार्यालय धादिङले आइतबार बिहान ६ बजेदेखि बेलुका ६ बजेसम्म परेवाभिर हुँदै अत्यावश्यकबाहेकका सबै सवारीसाधन सञ्चालनमा रोक लगाइने बताएको छ । उक्त अवधिमा एम्बुलेन्स र शववाहनबाहेक अन्य सवारीसाधनलाई परेवाभिर हुँदै आवतजावत गर्न दिइने छैन ।
