काठमाडौँ । राष्ट्रिय स्वतन्त्र पार्टीले भोटेकोशी बाढीबाट भएको क्षति, खोजी तथा उद्धार, राहत र पुनःस्थापनाका विषयमा छलफल गर्न आज फेरि सर्वदलीय बैठक बोलाएको छ।
बैठक आज दिउँसो २ बजे सिंहदरबारस्थित राष्ट्रिय स्वतन्त्र पार्टीको संसदीय दलको कार्यालयमा बस्नेछ ।
बैठकमा भोटेकोशी बाढीबाट भएको क्षति, बेपत्ता भएकाको खोजी तथा उद्धार, राहत वितरण र पुनःस्थापनाका विषयमा छलफल हुने बताइएको छ ।
यसअघि रास्वपा सभापति रवि लामिछानेले भोटेकोशी बढी आएको दोस्रो दिन भदौ ११ गते सर्बदलीय बैठक बोलाएका थिए । सर्बदलीय बैठकले संयुक्त संयन्त्र बनाउने निर्णय गरेपछि त्यो अहिलेसम्म कार्यान्यनमा भने आएको छैन ।
