काठमाडौँ । मानव अधिकार उल्लङ्घन सम्बन्धमा तयार पारेको छानबिन समितिको प्रतिवेदनमा भदौ २३ र २४ गतेको प्रदर्शनमा घाइते भएकाहरूको बाँकी सम्पूर्ण उपचार तथा औषधिको निःशुल्क व्यवस्था गर्न भनिएको छ।
राष्ट्रिय मानव अधिकार आयोगले बुधकार सार्वजनिक गरेको प्रतिवेदनको ११ नम्बर बुँदामा उक्त विषय उल्लेख गरिएको छ ।
घाइते भई हालसम्म पनि उपचाररत, जीवनभर र भविष्यमा पनि लामो समय उपचार गरिराख्नु भनी रजिस्टर्ड चिकित्सकहरूबाट घाइतेहरूको उपचार र औषधि निःशुल्क रूपमा व्यवस्था गर्न भनिएको छ ।
त्यस्तै १२ नम्बर बुँदामा जीविकोपार्जनको श्रोत नभएका मृतकका आश्रित परिवारको कम्तीमा एक जना परिवारलाई रोजगारी वा स्वरोजगारीको व्यवस्था गर्न र त्यसका लागि प्रदेश र स्थानीय सरकारलाई जिम्मेवार बनाउन सिफारिस गरिएको छ।
सिफारिसको १३ नम्बर बुँदा प्रदर्शनका क्रममा अपाङ्गता भई सहयोगी आवश्यक पर्ने घाइतेहरूलाई आजीवन सहयोगी वा सहयोगी भत्ता उपलब्ध गराउन सिफारिस गरिएको छ।
