काठमाडौँ । विकासशील देशहरूले लगभग ८० करोड रोजगारी गुमाउने जोखिम बढेको छ । विश्वव्यापी अर्थतन्त्र वरिपरिको अनिश्चितताहरूको बीचमा, विश्व बैंकले ठूलो विश्वव्यापी रोजगारी संकटको चेतावनी दिएको छ ।
विश्व बैंकका प्रमुख अजय बांगाले १.२ अर्ब मानिसहरू कार्यबलको हिस्सा हुने बताएका छन्, तर हालको गतिमा, केवल ४० करोड रोजगारी सिर्जना हुने र यसले विश्वव्यापी अर्थतन्त्रको लागि गम्भीर चुनौती खडा गर्ने बताएका छन् ।
यदि युद्ध लामो समयसम्म जारी रह्यो भने, बेरोजगारीको जोखिम बढ्नेछ फलस्वरूप, सरकार र नीति निर्माताहरूले एकैसाथ धेरै चुनौतीहरूलाई सम्बोधन गर्नुपर्ने विश्ववैंकले ध्यानाकर्षण गराएको छ । युद्ध संकट र दीर्घकालीन विकास दुवैमा ध्यान केन्द्रित गर्नु आवश्यक रहेको उल्लेख गर्दै रोजगारी बढाउन विकासशील देशहरूमा नीतिगत सुधारको आवश्यकतामा जोड दिएको छ । यसमा व्यवसाय सुरु गर्न सजिलो, सुधारिएको श्रम कानून, पारदर्शिता, भ्रष्टाचार नियन्त्रण र राम्रो व्यापार अभ्यास जस्ता उपायहरू समावेश छन् ।
संयुक्त राष्ट्रसंघको तथ्याङ्क अनुसार २०२५ सम्ममा विश्वभर ११ करोड ७० लाखभन्दा बढी मानिसहरू विस्थापित हुनेछन् । पर्याप्त रोजगारीका अवसरहरू सिर्जना गरिएन भने, अवैध बसाइँसराइ जस्ता समस्याहरू बढ्न सक्ने र पूर्वाधार, कृषि, पर्यटन र उत्पादनमा लगानी बढाएर रोजगारीका अवसरहरू सिर्जना गर्न सकिने उल्लेख छ ।
