काठमाडौँ। अनेरास्ववियुका अध्यक्ष दीपक धामी डोटीबाट प्रतिनिधि सभा निर्वाचनको उम्मेदवार बनेका छन् ।
शनिबार बसेको नेकपा एमालेको सचिवालय बैठकले आगामी फागुन २१ गते हुने प्रतिनिधि सभा निर्वाचनमा धामीलाई डोटीबाट उम्मेदवार बनाउने निर्णय गरेको हो।
डोटी जिल्लामा प्रतिनिधि सभा निर्वाचनका लागि एक मात्र निर्वाचन क्षेत्र रहेको छ । यस क्षेत्रमा धामीसँगै मञ्जु मलासी र चक्र मल्ल समेतको नाम सिफारिसमा परेको थियो ।
