काठमाडौं । नेपाल धितोपत्र बोर्डले विभिन्न पदका लागि दरखास्त आह्वान गरेको छ।
शुक्रबार सार्वजनिक गरिएको सूचनामा बोर्डले सहायक निर्देशक (अधिकृत तृतीय) र वरिष्ठ सहायक (सहायक प्रथम) तहका पदहरूमा खुला तथा समावेशी प्रतियोगितात्मक परीक्षाद्वारा पदपूर्ति गर्नेगरी आवेदन माग गरेको हो।
बोर्डका अनुसार सहायक निर्देशक प्रशासन समूहमा खुला १, कानून समूहमा मधेशी समावेशी १ र दलित समावेशी १ पदमा दरखास्त माग गरिएको छ। त्यस्तै, वरिष्ठ सहायक प्रशासन समूहमा खुला १ र महिला समावेशी १ गरी थप पदहरूका लागि पनि आवेदन खुला गरिएको छ।
तोकिएको योग्यता पुगेका उम्मेदवारहरूले बोर्डको आधिकारिक वेबसाइटमार्फत अनलाइन आवेदन दिन सक्नेछन्। आवेदन असोज २ गतेभित्र दिन सकिनेछ भने दोब्बर दस्तुर तिरेर असोज ९ गते भित्र बुझाउन सकिनेछ ।
