काठमाडौँ । नेकपा एकीकृत समाजवादी निकट युवा संघ नेपालको केन्द्रीय अनुशासन आयोगले सह–संयोजक सञ्जीव राईलाई साधारण सदस्य समेत नरहने गरी निलम्बनको सिफारिस गरेको छ ।
आयोगका अनुसार गत २०८२ साउन ३ गतेभित्र स्पष्टीकरण पेस गर्न दिएको निर्देशन अवज्ञा गर्दै जवाफ पेस नगरेपछि उनलाई निलम्बनको सिफारिस गरेको अनुशासन आयोगका अध्यक्ष विकल केसीले जनाएका छन् ।
संघको विधान २०७८ को धारा १६ (घ) अनुसार, आयोगले राईलाई साधारण सदस्य समेत नरहने गरी निलम्बनका लागि सिफारिस गरेको केसीको भनाइ छ । युवा संघमा राईले समानान्तर कमिटी गठन गरेर गतिविधि गर्दै आएका थिए ।
