नेपालमा आयोजना भएको १३ औं दक्षिण एशियाली खेलकुदमा पदक प्राप्त गर्ने खेलाडी तथा प्रशिक्षकहरुलाई गोदावरी नगरपालिकाले नगद सहित सम्मान गरेको छ।
नगरपालिकाले आफ्नो नगरसभाको अवसर पारेर सागमा विजयी खेलाडी तथा प्रशिक्षकहरुलाई मेयर गजेन्द्र महर्जनले सम्मान गरेका हुन्।
सम्मानित हुने खेलाडीमा वडा नं. ५ का निकेश श्रेष्ठ रहेका छन्। उसुका कास्य जितेका उनले नगद १ लाख प्राप्त गरे।
यस्तै प्रशिक्षकहरु वडा नं. ११ का कराते कुमिते प्रशिक्षक दीपक श्रेष्ठ र वडा नं. १२ का काता प्रशिक्षक गंगाराम महर्जनले जनही नगद २ लाख सहित सम्मानित भए।
१३ औं सागमा नेपालले उसु तर्फ ५ स्वर्ण र करातेमा १० स्वर्ण पदक प्राप्त गरेको थियो।
१० असार २०७७, बुधबार १४:३८ मा प्रकाशित
