काठमाडौं । नेकपा एकीकृत समाजवादीका अध्यक्ष माधव नेपालले सहकारी प्रकरणको छानबिन गर्नको लागि संसदीय समिति गठन गर्नको लागि उपप्रधान तथा गृहमन्त्री रवि लामिछाने पनि पोजेटिभ रहेको बताएका छन्।
पार्टी कार्यालयमा आयोजित पत्रकार सम्मेलनमा बोल्दै गृहमन्त्री लामिछानेले भेटमा आफू दोषी नभएको भन्दै आएको बताए।
उनले भने- हामीसँग कुनै छलफल भएको थिएन, अहिले सदन खुलाउन हामीले पनि भूमिका खेल्दिनुपर्यो भन्ने कुरा आएका छन्। शेरबहादुरजीसँग कुरा हुन पाएका छैन। नेताहरूसँग कुरा गर्दा हामी एउटा निचोडमा पुगिसकेकाले छानबिन समिति किन बनाउन नसकेको भन्ने कुराहरू उठाइराख्नुभएको छ। अहिले मैले कुरा गर्दा पनि उहाँहरूको पोजेटिभ जवाफ थियो । मैले डिटेलमा कुरा गर्न पाएको छैन रवि लामिछाने पनि गठन गरौँ गठन गर्ने कुरामा कुनै आपत्ति छैन भन्ने पक्षमा हुनुहुन्छ। छानबिन गरौँ म दोषी छैन कुनै प्रमाण भए देखाउन् सक्कली प्रमाण देखाउनुपर्यो भनेर म पनि प्रधानमन्त्रीसँग भएकै बेलामा भन्दै हुनुहुन्थ्यो।
उनले सहज ढंगले छानबिन समिति बनेर सदन चल्ने अवस्था बन्नुपर्छ भन्ने पक्षमा रहेको बताए।
३ जेष्ठ २०८१, बिहीबार ११:५२ मा प्रकाशित
