16, Jul, 2024

दशैंका लागि खसी र च्याङ्‍ग्रा किन्न ८ करोड ३३ लाख बजेट, सहुलियत पसल पनि खुल्ने

Bagmati Voice
संवाददाता
२७ भाद्र २०८०, बुधबार १४:५४ | १0 महिना अगाडी

काठमाडौं । सरकारले यस वर्ष पनि मुख्य चाडपर्वलाई लक्षित गरेर सहुलियतपूर्ण बजार सञ्चालन गर्ने भएको छ ।

दशैं, तिहार र छठ जस्ता ठूला पर्वलाई लक्षित गरेर सहुलियत पसल सञ्चालन गर्ने र दशैंका लागि सहुलियतमा खसी, बोका र च्याङ्‍ग्रा बिक्री गर्ने गरी बजेटको तयारी सकिएको खाद्य व्यवस्था तथा व्यापार कम्पनीले जनाएको छ ।

कम्पनीका सूचना अधिकारी शर्मिला न्यौपानेकाअनुसार यस वर्ष दशैंको मासु बजारमा हस्तक्षेप गर्न ३ हजार खसी, बोका र च्याङ्‍ग्रा खरिद गरिने छ । २ हजार गोटा खसी र बोका र एक हजार च्याङ्‍ग्रा खरिदका लागि कम्पनीले ८ करोड ३३ लाख रुपैयाँ बजेट छुट्याएको उनले बताइन् ।

कम्पनीले प्रस्ताव गरेको बजेट केही दिनमै मन्त्रालयमा पेश हुने र यसबारे निर्णय हुनेछ । गत वर्षहरुमा जस्तै, साल्ट ट्रेड्रिङ, दुग्ध विकास संस्थान लगायतसँगको समन्वयमा देशैभर एकीकृत सहुलियतपूर्ण बजार सञ्चालनको प्रस्ताव पनि मन्त्रालयमा पठाइने छ ।

ती पसलका आधारभूत खाद्यान्न सहुलियत मूल्यमा पाइने कम्पनीले जनाएको छ । उपत्यका बाहिरका ४० जिल्लाका ३९ स्थानमा पनि खाद्यको सुपथ पसल हुनेछ ।

साल्ट ट्रेडिङले पनि संयुक्त र बेग्ला बेग्लै गरी देशभर ३८ वटा स्थानमा सहुलियत पसल सञचालन गर्ने तयारी गर्ने जनाएको छ । कहिलेदेखि सो पसल सञ्चालन हुन्छ भन्ने भने निर्णय उद्योग मन्त्रालयको प्रस्तावमा मन्त्रिपरिषद्ले गर्नेछ ।

२७ भाद्र २०८०, बुधबार १४:५४ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading