कैलाली । नेकपा एमाले कैलालीको जिल्ला अधिवेशन आगामी मङ्सिर २२ र २३ गते हुने भएको छ ।
कैलालीको धनगढीमा सम्पन्न पूर्ण जिल्ला कमिटी बैठकले आगामी मङ्सिर २२ र २३ गते गर्ने जिल्ला अधिवेशन गर्ने निर्णय गरेको एमाले कैलालीका सचिव डेजी पाण्डेले जानकारी दिए ।
यसअघि २०७८ पुस २७ गते कैलालीको जिल्ला अध्यक्षमा रतन थापा निर्वाचित भएका थिए । उनी अहिले एमालेमा छैनन् । केन्द्रको सर्कुलरअनुसार कैलालीमा दुई वर्ष नपुग्दै पुनः अधिवेशन हुन लागेको हो ।
पूर्ण कमिटी बैठकले सङ्गठन विभागलाई पूर्णता दिने निर्णय गरेको थियो । आर्थिक विभाग र लेखा आयोगसमेत गठन गरिएको छ ।
