काठमाडौं । राष्ट्रिय सूचना आयोगका पूर्वआयुक्त किरण पोखरेल राष्ट्रपति रामचन्द्र पौडेलको प्रेस सल्लाहकारमा नियुक्त भएका छन् ।
राष्ट्रपति रामचन्द्र पौडेलको प्रेस सल्लाहकारमा किरण पोखरेल नियुक्त भएका छन् । राष्ट्रपति पौडेलले आइतबार पोखरेललाई प्रेस सल्लाहकार नियुक्त गरेका हुन् ।
पोखरेल नेपाली कांग्रेस निकट नेपाल प्रेस युनियनका पूर्वअध्यक्ष हुन् । पत्रकारितामा क्रियाशील पोखरेल ६ वर्षसम्म उच्च अदालतको न्यायाधीशसरहको सूचना आयुक्तबाट अवकाश पाएपछि अर्को राजनीतिक नियुक्तिको खोजीमा भौतारिइरहेका थिए ।
राष्ट्रपति पौडेलले यसअघि राजनीतिक सल्लाहकारमा नेपाली कांग्रेसका केन्द्रीय सदस्य सुनिलबहादुर थापा, आर्थिक सल्लाहकारमा राष्ट्र बैंकका पूर्व गभर्नर डा. चिरञ्जीवी पौडेल, प्रमुख स्वकीय सचिवमा पूर्वराजदूत डा सुरेशचन्द्र चालिसे र कानूनी सल्लाहकारमा बाबुराम कुँवरलाई नियुक्त गरिसकेका छन् ।
२६ चैत्र २०७९, आईतवार १३:१५ मा प्रकाशित
