काठमाडौँ । नेपाली बजारमा बिहीबार सुनको भाउ घटेको छ । बुधबारको तुलनामा बिहीबार सुनको भाउ तोलामा ९ सय रुपैयाँले घटेको छ ।
बुधबार प्रतितोला ९३ हजार ४ सय रुपैयाँ मूल्य कायम भएको छापावाल सुनको भाउ बिहीबार भने ९२ हजार ५ सय रुपैयाँमा झरेको नेपाल सुनचाँदी व्यवसायी महासंघले जनाएको छ ।
त्यस्तै बिहीबार तेजाबी सुन प्रतितोला ९२ हजार ५० रुपैयाँमा कारोबार भइरहेको महासंघले जनाएको छ । बुधबार भने तेजाबी सुन प्रतितोला ९२ हजार ९ सय ५० रुपैयाँमा कारोबार भएको थियो ।
बुधबारको तुलनामा बिहीबार चाँदीको भाउ पनि प्रतितोला १५ रुपैयाँले घटेको छ । बुधबार प्रतितोला १ हजार २ सय १५ रुपैयाँ कायम भएको चाँदीको भाउ बिहीबार १ हजार २ सय रुपैयाँमा झरेको छ ।
यसअघि कात्तिक २५ गते नेपाली बजारमा एकैदिन सुनको भाउ प्रतितोला ३ हजार रुपैयाँभन्दा बढीले घटेको थियो । कात्तिक २४ गते प्रतितोला ९८ हजार २ सय रुपैयाँ मूल्य कायम भएको छापावाल सुनको भाउ कात्तिक भने ९४ हजार ८ सय रुपैयाँमा झरेको थियो ।
