काठमाडौँ । रसुवा–भोटेकोशी–त्रिशूली क्षेत्रमा भएको विपद् तथा जलवायु परिवर्तनका विषयमा संसदीय विशेष समिति गठन गर्ने विषयमा छलफल सुरु भएको छ ।
बुधबार सम्पन्न सर्वदलीय बैठकमा भएको छलफलअनुसार संसद्मा रहेका दलका संसदीय दलका नेता, उपनेता र प्रमुख सचेतकबीच विशेष समिति गठनका विषयमा प्रारम्भिक छलफल हुने रास्वपा मुख्य सचेतक कविन्द्र बुर्लाकोटीले जानकारी दिएका छन् ।
बुर्लाकोटीका अनुसार सर्वदलीय बैठकमा भएको छलफललाई आधार बनाएर विशेष समिति गठनको सम्भावनाबारे संसद्मा रहेका राजनीतिक दलका प्रमुख प्रतिनिधिहरूबीच छलफल अघि बढाइएको हो ।
