काठमाडौँ । भारतीय प्रधान सेनापति जनरल धिरज सेठ काठमाडौँ आइपुगेका छन् । आइतबार अपराह्न ४ बजेर १५ मिनेटमा एयर इन्डियाको विमान मार्फत सेठ त्रिभुवन अन्तर्राष्ट्रिय विमानस्थलमा ओर्लिएका हुन् ।
प्रधानसेनापति सेठले रक्षामन्त्रीको समेत जिम्मेवारी सम्हाल्दै आएका प्रधानमन्त्री बालेन्द्र शाहसँग भेटवार्ता गर्दैछन् । उनले प्रधान सेनापति अशोकराज सिग्देलसँग पनि भेट्नेछन् ।
२०२६ को जुन ३० मा भारतको प्रधानसेनापतिको पद सम्हालेका सेठलाई नेपाली सेनाको मानार्थ महारथीको दर्जा प्रदान गरिँदै छ । सोमबार शितल निवासमा नेपाली सेनाको मानार्थ महारथीको दर्जा प्रदान गर्ने कार्यक्रम तय भएको नेपाली सेनाका प्रवक्ता (सहायक रथी) राजाराम बस्नेतले बताए ।
राष्ट्रपति रामचन्द्र पौडेलले सेठलाई मानार्थ महारथीको दर्ज्यानी चिन्ह प्रदान गर्नेछन् । प्रधानसेनापति सेठ सोमबार नै जङ्गी अड्डामा आयोजित औपचारिक कार्यक्रममा सहभागी हुँदैछन् ।
