काठमाडौँ । १० मेगावाटभन्दा कम क्षमताका विद्युत् आयोजनाको तत्काल पीपीए गर्ने सरकारको घोषणा गरेको छ ।
अर्थमन्त्री डा.स्वर्णिम वाग्लेले आर्थिक वर्ष २०८३/८४ को बजेट संसदका प्रस्तुत गर्दै यस्तो घोषणा गरेका हुन् ।
अर्थमन्त्री वाग्लेले भने, ‘सरकारले नेपाल विद्युत प्राधिकरणलाई उत्पादन,वितवरण व्यापारका लागि तीन छुटाछुटै कम्पनीमा विभाजन गर्ने छौं । विद्युत खरिद सम्झौता भएका तर विद्युत उत्पादन नभएका आयोजनाको अनुमतिपत्र खारेज गरी टेक अर पे विधिमा नयाँ पीपीए गर्ने प्रवद्ध गर्ने छौं । १० मेगवाट भन्दा कम क्षमताका विद्युत आयोजनाको तत्काल पीपीए गर्ने छौं । सुख्यायाममा घटाघटमा विद्युत खरिददर निर्धारण गरी खरिद सम्झौता गर्ने व्यवस्था मिलाउँछौं ।’
उनले निजी क्षेत्रलाई अन्तराष्ट्रिय बजारमा विद्युत व्यापार गर्न पाउने व्यवस्था मिलाउने पनि घोषणा गरे । उनले प्रशारण लाइन बनाउने र ह्लिङ चार्ज लिएर विद्युत व्यापार गर्न सक्ने कानूनी व्यवस्था मिलाउने बताए ।
उनले भने,‘जलविद्युत आयोजनाको अनुमति अवधीपछि आयोजनाको स्वामित्व नेपाल सरकारलाई हस्तान्तरण हुँदा वनको जग्गा भोगाधिकार र रुख कटान शुल्क समायोजन गर्ने व्यवस्था मिलाउने छौ । जलाशययुक्त आयोजनामा लगानी वृद्धि गर्न निजी क्षेत्रलाई प्रोत्साहन गर्न पहिलो वर्ष ४० प्रतिशत शेयर सर्वसाधरणलाई बिक्रि गर्न दिने व्यवस्था गर्ने छौ ।’
