काठमाडौं । काठमाडौंको भगवतीबहालनजिकै आफ्नो कोठामा फर्किँदै गरेका व्यक्तिमाथि कुटपिट गर्ने २ जनालाई प्रहरीले पक्राउ गरेको छ ।
बाँकेको नेपालगञ्ज उपमहानगरपालिका-२ घर भई हाल काठमाडौं माछापोखरी बस्ने सागर सुनारलाई हातपात गर्नेलाई प्रहरीले पक्राउ गरेको हो ।
पक्राउ पर्नेमा काभ्रे घर भई हाल काठमाडौंको गल्को पाखा बस्ने विशाल तामाङ र सिन्धुलीको हरिपुर गढी घर भई हाल काठमाडौंको ठमेलमा बस्दै आएका होमबहादुर दर्लामी छन् ।
उनीहरूले युवकमाथि आज बिहीबार बिहान ६ बजे ठमेलको भगवतीबहालनजिकै कुटपिट गरेका हुन् । डेरामा फर्किनेक्रममा उनीहरूले सागरलाई बाटो छेकेर कुटपिट गरेको प्रहरीको प्रारम्भिक अनुसन्धानबाट खुलेको छ ।
