काठमाडौं । नेपाली कांग्रेसका डा. शेखर कोइराला समूहको भेला जारी छ। बालुवाटारको ओपेरा होटेलमा अहिले शेखर समूहको बैठक जारी छ।
पूर्वसभापति शेरबहादुर देउवा समूहको भेलामा सहभागी नभएका कोइरालाले आज बेग्लै भेला राखेका हुन्। भेलामा कोइरालासहित धनराज गुरुङ, जीवन परियार, बन्द्री पाण्डेलगायत नेताहरु सहभागी छन्।
इतर समूहका नेता पूर्णबहादुर खड्काले राखेको देउवा समूहको भेला हिजो सकिएको थियो। नेता कोइरालाले आज बागमती प्रदेशका नेताहरूसँग बेग्लै छलफल गरिरहेका छन्।
छलफलमा कोइराला निकट पूर्वकेन्द्रीय सदस्य, संसद् पूर्वसांसद, प्रदेश सांसद तथा बागमती प्रदेश कार्यसमितिका पदाधिकारीलगायत सहभागी छन्।
सर्वोच्च अदालतले पार्टीको आधिकारिकता सभापति गगन थापालाई दिएपछि थप रणनीति बनाउन आफूनिकट नेताहरूसँग छलफल थालेका हुन्।
