काठमाडौँ । इराकमा दुर्घटनाग्रस्त अमेरिकी इन्धन आपूर्ति विमानमा सवार चार सैनिकको मृत्यु भएको पुष्टि भएको छ ।
इरान युद्धको नेतृत्व गरिरहेको अमेरिकी सेन्ट्रल कमाण्डले विमान दुर्घटनामा चार सैनिकको मृत्यु भएको जानकारी दिएको छ । साथै बाँकी दुई जनाको खोजी जारी रहेको कमाण्डले जनाएको छ ।
उक्त विमान पश्चिमी इराकमा सञ्चालन भइरहेको अभियानका क्रममा दुर्घटनामा परेको बताइएको छ । विमान अर्को इन्धन आपूर्ति विमानसँग संयुक्त अभियानमा रहेको थियो, जसमध्ये अर्को विमान सुरक्षित रूपमा अवतरण गर्न सफल भएको जनाइएको छ ।
सो विमानलाई इराककै अतिवादी संघठनले खसालेको आशंका गरिएको छ ।
योसँगै इरान युद्धका क्रमआमा मृत्यु हुने अमेरिकी सैनिकको संख्या ११ पुगेको छ । यस अघि कुवेत बेसमा इरानको आक्रमणआमा परेर ७ सैनिकको ज्यान गएको थियो । इरान युद्धका क्रममा अहिलेसम्म १४० जना सैनिक घाइते भएको र ८ जनाको अवस्था चिन्ताजनक रहेको अमेरिकी विदेश मन्त्रालयले जानकारी दिएको छ ।
