काठमाडौं । विपक्षी दलहरूको अवरोधपछि प्रतिनिधिसभाको आइतबारको बैठक १५ मिनेटका लागि स्थगित भएको छ ।
कुलमान घिसिङको बर्खास्तीको विरोधमा विपक्षी दलहरूले सदन अवरोध गरिरहेका छन् । आजको प्रतिनिधि सभा बैठकको लाइभ फिड समेत संसद सचिवालयले दिएन ।
प्रतिनिधि सभा प्रवेशमा समेत कडाइ गरिएको छ । पत्रकारको समेत नाम टिपेरमात्र मिडिया कक्षमा प्रवेश दिइएको संसदीय मामिला पत्रकार समाजका अध्यक्ष मनोज सत्यालले बताएका छन् ।
पूर्वअध्यक्ष नारायण काफ्लेका अनुसार संसद भवनको मूल गेटदेखि ग्यालरीसम्म तीनपुस्ते भर्ने व्यवस्था फेरि प्रचलनमा ल्याइएको छ ।
