काठमाडौं । नेकपा माओवादी केन्द्रको पदाधिकारी बैठक बसेको छ । पार्टी अध्यक्ष पुष्पकमल दाहाल ‘प्रचण्ड’ निवास खुमलटारमा बैठक जारी छ ।
बैठकमा पार्टीका नेताहरूको कार्यविभाजन, पार्टीले सुरू गर्ने अभियानसहित पछिल्ला समसामयिक राजनीतिक घटनाक्रमबारे छलफल चलिरहेको प्रचण्डको सचिवालयले जनाएको छ।
गएको पुस तेस्रो साता बसेको केन्द्रीय कमिटीको बैठकले नेताहरूको कार्यविभाजन हेरफेर गर्ने निर्णय भएको थियो । तर, अहिलेसम्म टुंगिएको छैन ।
माओवादीमा पूर्वउपराष्ट्रपति नन्दबहादुर पुनको जिम्मेवारी पेचिलो बनेको बताइन्छ । प्रचण्डले उपाध्यक्ष बनाउने गरी पुनलाई सक्रिय राजनीतिमा फर्काएको भएपनि अहिलेसम्म जिम्मेवारीमा कुरा मिल्न नसकेको हो ।
