चितवन । चितवनमा नेकपा एकीकृत समाजवादीका केन्द्रीय सदस्यसहित कांग्रेस-एमाले र रास्वपाका नेता कार्यकर्ता माओवादीमा प्रवेश गरेका छन् ।
उनीहरुलाई नेकपा माओवादीका अध्यक्ष पुष्पकमल दाहाल प्रचण्डले आज माओवादी पार्टी कार्यालयमा भएको कार्यक्रममा पार्टी प्रवेश गराएका हुन् ।
पार्टी प्रवेश गर्ने नेता तथा कार्यकर्ताहरुलाई अध्यक्ष दाहालले फूलमाला र अबिर लगाएर स्वागत गरेका थिए ।
माओवादी प्रवेश गर्नेहरुमा नेकपा एसका केन्द्रीय सदस्य कृष्णराज न्यौपाने लब्ली, पूर्वजिल्ला अध्यक्ष अरुण पीडित भण्डारी, जिल्ला सचिवालय सदस्य सुरज तिवारी तथा पार्टी नेता एवं जिल्ला खेलकुद विकास समिति चितवनका अध्यक्ष गंगा लामा रहेका छन् ।
न्यौपाने र भण्डारी तत्कालीन नेकपा एमालेका पनि चितवनका प्रभावशाली नेतामा मानिन्थे ।
नेकपा माओवादी जिल्ला अध्यक्ष रामचन्द्र न्यौपानेका अनुसार नेकपा एसका जिल्लाबाट केन्द्रमा प्रतिनिधित्व गर्ने नेताहरुसहित ६० जना माओवादी प्रवेश गरेका छन् । उनका अनुसार माओवादी प्रवेश गर्नेहरु नेपाली कांग्रेस, नेकपा एमाले तथा राष्ट्रिय स्वतन्त्र पार्टीका समेत नेता कार्यकर्ता रहेका छन् ।
