14, Jun, 2024

भारतले प्याज निर्यातमा लगाएको प्रतिबन्ध हटाए पनि निर्यात शुल्क ४० प्रतिशत कायमै

बागमती भ्वाइस
बागमती भ्वाइस
२३ बैशाख २०८१, आईतवार १२:४६ | १ महिना अगाडी

काठमाडौँ । भारत सरकारले प्याज निर्यातमा लगाएको प्रतिबन्ध शनिवारदेखि हटाएको छ । भारतले प्रतिबन्ध हटाए पनि प्याजको निर्यातमा ४० प्रतिशत निर्यात शुल्क भने कायमै राखेको छ ।

भारत सरकारले गत वर्षको अगस्टदेखि ३१ डिसेम्बरसम्म प्याजको निर्यातमा ४० प्रतिशत निर्यात शुल्क तोकेको थियो ।

८ डिसेम्बरदेखि प्याजको निर्यातमा प्रतिबन्ध लगाएको थियो । डिसेम्बरमा भारतीय बजारमा प्याजको मूल्य ८० भारतीय रुपैयाँ पुगेको थियो ।

भारतले प्रतिबन्ध लगाउँदा नेपालमा प्याजको मूल्य महँगो भएको थियो ।

निर्यातमा ४० प्रतिशत शुल्क लाग्ने गरी प्रतिबन्ध हटाए पछि नेपालको घरेलु बजारमा प्याजको मूल्य झन् महँगो हुने व्यवसायीहरू बताउँछन् ।

नेपाली बजारमा अहिले प्याजको मूल्य प्रतिकिलो औसत ६० रुपैयाँ छ । प्रति मेट्रिक टन प्याजलाई ४५ हजार ८ सय भारतीय रुपैयाँ मिनिमम एक्सपोर्ट प्राइस (एमईपी) तोकिएको छ ।

भारतमा यो वर्ष १ करोड ९१ लाख टन प्याज उत्पादन हुने अनुमान गरिएको छ ।

२३ बैशाख २०८१, आईतवार १२:४६ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading