काठमाडौँ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी पहिलो टी–२० क्रिकेटमा नेपाल ‘ए’ ले आयरल्यान्ड ‘ए’ को तेस्रो विकेट लिएको छ । आयरल्यान्डको तेस्रो विकेट आरिफ शेखले लिएका हुन् । आरिफले आयरल्यान्डका ओपनर ब्याट्सम्यान पिटर मुरलाई बोल्ड गरे ।
पिटर मुर केवल एक रनका कारण अर्धशतक पुरा गर्नबाट चुके । उनले ३२ बलमा तीन छक्का र चार चौकाको मद्दतले ४९ रन बनाए । ११ औँ ओभरको अन्तिम बलमा पिटर मुर आउट हुँदा आयरल्यान्डले ९६ रन बनाएको छ । नेपाल ‘ए’ ले टस जिती आयरल्यान्ड ‘ए’ लाई पहिले ब्याटिङको निम्तो दिएको हो ।
१६ चैत्र २०८०, शुक्रबार १४:११ मा प्रकाशित
