29, May, 2024

रुसी राष्ट्रपति चुनावमा भ्यादिमिर पुटिनको पाँचौं जित : ८७ प्रतिशत मतले विजयी

बागमती भ्वाइस
बागमती भ्वाइस
५ चैत्र २०८०, सोमबार १०:१५ | २ महिना अगाडी

एजेन्सी । रुसी राष्ट्रपति चुनावमा भ्यादिमिर पुटिन फेरि विजयी भएका छन् । उनी पाँचौं पटक रुसको राष्ट्रपति भएका हुन् । रुसी विश्व च्यानल आरटीका अनुसार ८७ प्रतिशत मत ल्याएर पुटिन विजयी भएका हुन् । शुक्रबारबाट आइतबारसम्म भएको मतदानमा ७४ प्रतिशत मत खसेको बताइएको छ ।

आइतबारको चुनावी घोषणाििपछ पुटिनले सार्वजनिक विजयी भाषण गरेका छन् । भाषणमा उनले रुस बलियो, स्वतन्त्र र सार्वभौम देश बनाउने आफ्नो सपना भएको बताएका छन् । रुसी जनता एक भएको अवस्थामा भविष्यका सबै समस्याहरुबाट पार लाग्न सकिने पुटिनले बताएका छन् ।

चुनावकै आसपासको समयमा युक्रेनले रुसी सीमा मिच्नलाई पाँच हजार सैनिक पठाएको तर रुसी प्रतिकारमा परेर चालिस प्रतिशतले ज्यान गुमाएको पुटिनले बताएका छन् । उनले भनेका छन्, ‘जो जो रुसी सीमानामा घस्रेर आए उनीहरु कोही जिवित छैनन् । दुस्मन पिसिन चाहान्छन् भने हामी यसबाट लाभान्वित नै छौँ ।’

आधुनिक विश्वमा जे पनि सम्भावना भएको भन्दै पुटिनले नेटोले आफ्ना सैनिक युक्रेनमा पठाउन सोचेको बताएका छन् । तर, त्यसो गर्नु तेस्रो विश्व युद्धभन्दा एक कदम पछि मात्रै हुने भन्दै उनले कसैको त्यता रुचि नभएको बताए ।

सन् २००० मा रुसी सत्तामा आएका पुटिन त्यसयता प्रधानमन्त्री तथा राष्ट्रपतिको रुपमा निरन्तर सत्तामा छन् । त्यस अगाडि उनी सेन्ट पिटर्सबर्गको उपमेयर थिए ।

५ चैत्र २०८०, सोमबार १०:१५ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading