काठमाडौं । कुवेतको एक कम्पनीले ३ सय जना नेपाली नर्स माग गरेको छ । सिटी ग्रुप अफ कम्पनिज कुवेतले नेपालबाट महिला र पुरुष गरी बिएस्सी नर्सिङ र डिप्लोमा गरेका ३ सय जना नर्स लिन लागेको हो ।
द रिभर ओभरसिजमार्फत ती नर्स सो कम्पनीले कुवेतका अस्पतालमा काम गर्न लैजाने भएको हो । बिएस्सी नर्सिङले खानासहित नेपाली डेढ लाख रुपैया तलब पाउने कम्पनीले जनाएको छ ।
त्यस्तै डिप्लोमा नर्सिङले खानासहित एक लाख २० हजारमाथि तलब पाउनेछन् ।
द रिभर ओभरसिजले प्रि अन्तर्वार्ता शुरु भइसकेको र अन्तिम अन्तर्वार्ता मार्च १४ देखि सम्बन्धित कम्पनीले लिने जनाएको छ । नेपालबाट ठूलो संख्यामा नर्सहरु लैजाने यो कुवेतको पहिलो कम्पनी हो ।
३० फाल्गुन २०८०, बुधबार १२:०२ मा प्रकाशित
