काठमाडौं । हङकङमा जारी टी–२० सिरिज क्रिकेटको उपाधिका लागि नेपाल र पपुवा न्युगिनी (पिएनजी) खेल्ने भएको छ । पिएनजीले मंगलबार भएको दोस्रो खेलमा घरेलु टीम हङकङलाई १० विकेटको पराजित गर्दै फाइनल यात्रा तय गरेको हो ।
मंगलबार नै भएको खेलमा पिएनजीमाथि ८५ रनको जित निकाल्दै नेपालले फाइनल पक्का गरेको हो । फाइनल खेल बुधबार बिहान पौने १२ बजे सुरू हुनेछ ।
लिग चरणको खेल सकिदा नेपालले ३ अंक र पिएनजीले २ अंक जोड्दा हङकङले १ अंक जोड्यो । अब हङकङले तेस्रो स्थानका लागि हङकङ ‘ए’ सँग खेल्नेछ ।
नेपाल र हङकङबीचको सिरिजको पहिलो खेल भने वर्षाका कारण रद्द हुँदा दुवै टीम अंक बाडेका थिए ।
२९ फाल्गुन २०८०, मंगलवार १५:२४ मा प्रकाशित
