18, May, 2024

६ महिनामा पोखराबाट ९ वटा अन्तर्राष्ट्रिय उडान हुँदा भैरहवाबाट १९२ वटा मात्र अन्तर्राष्ट्रिय उडान

बागमती भ्वाइस
बागमती भ्वाइस
२४ फाल्गुन २०८०, बिहीबार १६:१४ | २ महिना अगाडी

काठमाडौं । नेपालका दुई अन्तर्राष्ट्रिय विमानस्थल पोखरा र भैरहवाबाट नियमित उडान हुन सकेका छैनन् । पछिल्लो ६ महिनामा पोखराबाट ९ वटा अन्तर्राष्ट्रिय उडान हुँदा भैरहवाबाट १९२ वटा मात्र अन्तर्राष्ट्रिय उडान भएका छन् ।

प्रधानमन्त्री तथा मन्त्रिपरिषद् कार्यालयको तथ्यांक अनुसार अघिल्लो वर्ष पुस (अंग्रेजी नयाँ वर्ष) मा उद्घाटन भएको पोखरा अन्तर्राष्ट्रिय विमानस्थलबाट सो वर्ष २ वटा मात्र अन्तर्राष्ट्रिय उडान भएका थिए । अहिले केही चार्डर्ट उडानहरु भए पनि नियमित उडान अझै सुरू हुन सकेको छैन ।

उता, भैरहवामा यस वर्ष ६ महिनाको अवधिमा १९२ वटा मात्र अन्तर्राष्ट्रिय उडान भएका छन् । गत वर्ष यो विमानस्थलबाट ३१६ अन्तराष्ट्रिय उडान भएको थियो । यस वर्ष सोही संख्याले निरन्तरता पाउने अपेक्षा सरकारको छ । तर, ६ महिनामा १९२ वटा मात्र अन्तर्राष्ट्रिय उडान सम्भव रहेको तथ्यांकले देखाएको छ ।

नेपालको पहिलो अन्तर्राष्ट्रिय विमानस्थल काठमाडौंबाट भने दैनिक ७० भन्दा माथि अन्तर्राष्ट्रिय उडान/अवतरण हुने गर्छन् । जसले गर्दा ट्राफिक चाप काठमाडौंमा थुप्रिएको छ ।

२४ फाल्गुन २०८०, बिहीबार १६:१४ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading