काठमाडौं । राष्ट्रिय कार्यकर्ता भेलामा नेता तथा कार्यकर्ताले उठाएका प्रश्नको जवाफ खोज्न एमालेको माधव नेपाल पक्षको स्थायी कमिटी बैठक बसेको छ । बुधबारदेखि शुरु भएको भेला सक्नुअघि कार्यकर्तालाई नेताले दिने प्रश्नको जवाफ खोज्न स्थायी कमिटी बैठक बसेको उक्त पक्षका केन्द्रीय सदस्य यज्ञ सुनुवारले जानकारी दिए ।
भेलामा १० वटा समूह बनाएर समसामयिक विषयमा छलफल भएको थियो । उक्त समूहले दिएको सुझावमाथि बैठकमा छलफल भइरहेको बताइएको छ । बैठकपछि नेता माधवकुमार नेपालले भेलालाई जावाफ दिनेछन् ।
बैठकमा आगामी कार्यनीतिबारे पनि छलफल भइरहेको बताइएको छ ।
