काठमाडौं । । एभरेष्ट बैंक लिमिटेडका ग्राकह र कर्मचारीलाई होटल क्राउन हिमालयजमा विशेष छुट पाइने भएको छ ।
बिहीबार पोखराको लेकसाइडमा रहेको होटल क्राउन हिमालयज र एभरेष्ट बैंकबीच विशेष छुट सम्बन्धी सम्झौतामा भएको हो । भने, बैंकका सहायक प्रमुख कार्यकारी अधिकृत विजयकुमार शर्मा र होटलका सञ्चालक आग्रह अर्यालले सम्झौतापत्रमा हस्ताक्षर गरेका हुन्।
सम्झौता अनुसार बैंकका ग्राहक तथा कर्मचारीले होटल क्राउन हिमालयजको सेवामा १० प्रतिशत छुट पाउँनेछन् । त्यस्तै, रुम, रेष्टुरेन्ट र स्पाको सेवामा प्राप्त हुने छुटले बैंकका ग्राहक तथा कर्मचारीहरु लाभान्वित हुने बैंकका सहायक प्रमुख कार्यकारी अधिकृत विजयकुमार शर्माले बताए ।
होटलबाट आन्तरिक तथा बाह्य पर्यटकलाई आफूहरुले स्तरीय सेवा प्रदान गरिरहेको सञ्चालक अर्यालले जानकारी दिए । होटलमा सिङ्गल, डबल, ट्रिपल, स्ट्यान्डर्ड तथा डिलक्स गरी ३८ वटा रुम रहेका छन् ।
देशभर बैंकका १२७ शाखा, ३ एक्सटेन्सन काउण्टर, ७ प्रादेशिक कार्यालय, १६३ एटीएम नेटवर्कबाट अत्याधुनिक मोबाइल र इन्टरनेट र एसएमएस बैकिंग सुबिधा प्रदान गर्दै आइरहेको छ ।
२४ कार्तिक २०८०, शुक्रबार १३:०५ मा प्रकाशित
