20, Jun, 2024

इजरायललाई युद्धका लागि जमिन र आकाश सहयोग गर्ने देशलाई नछाड्ने इरानीको चेतावनी

बागमती भ्वाइस
बागमती भ्वाइस
२ बैशाख २०८१, आईतवार १४:४४ | २ महिना अगाडी

एजेन्सी । इरानले आफ्नो देशमा आक्रमणका लागि जमिन तथा आकाश सहयोग गर्न दिने कुनै पनि देशलाई नछाड्ने चेतावनी दिएको छ । रुसी विश्व च्यानल आरटीका अनुसार इरानले इजरायललाई आक्रमण गरेसँगै यस्तो चेतावनी आएको हो । इरानमा आक्रमण गर्न कुनैपनि देशको आकाश तथा जमिन प्रयोग भएमा त्यो ठीक नहुने इरानले बताएको छ ।

इरानी रक्षामन्त्री महोमद रेजा अस्तियानीले अरबिक देशहरूलाई संकेत गरेर यस्तो चेतावनी दिएका हुन् । गत अप्रिल १ मा इजरायलले सिरियाको दमास्कसमा भएको इरानी महावाणिज्यदूतावासमा हमला गरेपछि इरानले आज प्रतिकार गरेको हो । इरानले ३०० हाराहारी ड्रोन तथा मिसाइल इजरायलमा प्रहार गरेको छ ।
इरानी हमलालाई इजरायल, अमेरिकी तथा बेलायतले संयुक्तरूपमा मिलेर रक्षा गरेका थिए । सबैजसो इरानी मिसाइल खसालिएको इजरायल र अमेरिकाको दाबी छ । तर, इरानले भने इजरायली सैन्य अखडामा उचित प्रहार गरेको बताएको छ ।

२ बैशाख २०८१, आईतवार १४:४४ मा प्रकाशित

Discover more from Bagmati Voice

Subscribe now to keep reading and get access to the full archive.

Continue reading