काठमाडौ । काठमाडौ साविक विजेता ब्राजिल पेरिस ओलम्पिक २०२४ को पुरुष फुटबल प्रतियोगिताका लागि छनोट हुन असफल भएको छ। ब्राजिललाई महत्वपूर्ण खेलमा १-० गोलले हराएको अर्जेन्टिना भने छनोट भएको छ।
ओलम्पिकका लागि दक्षिण अमेरिकाबाट २ टिम छनोट हुने प्रावधान छ। ओलम्पिकमा यू-२३ टिमबीच प्रतिस्पर्धा हुन्छ।
लगातार तेस्रो स्वर्ण जित्ने लक्ष्य राखेको ब्राजिलले सन् २००४ पछि पहिलो पटक ओलम्पिकमा फुटबल फुटबल खेल्ने छैन ।
दक्षिण अमेरिकी छनोट प्रतियोगितामा अर्जेन्टिनाका यू-२३ टिमका लागि ७७ औं मिनेटमा लुसियानो गोन्डौले हेडिङ गोल गरेका थिए।
सन् २००४ र २००८ मा स्वर्ण जितेको अर्जेन्टिना पाँच अंकका साथ अन्तिम छनोटमा पुग्यो। पाराग्वे सात अंक जोडेर शीर्ष स्थानमा रहेर ओलम्पिकमा पुग्न सफल भयो।
२९ माघ २०८०, सोमबार १४:५९ मा प्रकाशित
