काठमाडौं । गत वैशाख ३० गते स्थानीय तह निर्वाचनमा ४० वर्ष मुनिका ४१ प्रतिशत युवा निर्वाचित भएका छन् ।
निर्वाचन आयोगले आज सार्वजनिक गरेको विवरणअनुसार ३५ हजार ९७ जना जनप्रतिनिधि निर्वाचित हुँदा ४० वर्ष मुनिका १४ हजार ४४२ जना निर्वाचित भएका हुन् । जुन ४१.१४ प्रतिशत हो ।
विवरणअनुसार सबैभन्दा धेरै ४१ देखि ६० वर्षमा ५२.२७ प्रतिशत अर्थात १८ हजार ३४७ जना निर्वाचित भएका छन् । यस्तै, ६ प्रतिशत ६१ देखि ८० वर्षका व्यक्ति ६.५२ प्रतिशत अर्थात २ हजार २ सय ९१ जना निर्वाचित भएका छन् ।
आयोगका अनुसार ८१ वर्ष माथिका पनि १७ जना व्यक्ति निर्वाचित भएका छन् । जसमा वडा अध्यक्षमा ३ जना, दलित महिला सदस्यमा ४ जना र १० जना वडा सदस्यमा निर्वाचित भएका हुन् ।
१० श्रावण २०७९, मंगलवार १८:३९ मा प्रकाशित
